Македонската православна црква и нејзините верници денес ги празнуваат 40-те Свети маченици, празник во народот познат како Младенци.
Младенците се посветени на споменот на мачеништвото на Светите четириесет војници на еден полк во градот Севастија , кои го прифатиле христијанството во 320 година, за време на владеењето на императорот Ликиниј, и покрај експресната забрана на царот. Поради својата вера, овие храбри христијани прво биле камшикувани, а потоа фрлени во затвор.
Набрзо биле изведени пред воен суд, а потоа погубени. Ним им е посветен и дваесет и втори март и поради венците со кои мачениците се овенчаа со љубовта Христова, па и на свадбите во црквата се полагаат венци на младенците.
Денес младенците ќе пречекаат гости кои ќе им донесат подароци за оваа пригода.
На младенците на овој ден обично им се даваат поскромни подароци отколку за свадби. Вообичаено, ситен мебел – како чинии, вазни, садови или мали апарати за домаќинство – или украси за домот се подаруваат на младенците.
На повеќето места се печат – четириесет колачиња што младенците ги јадат рано наутро за да им го направат брачниот живот сладок . Можат да бидат кружни, но и во форма на нож, ножици, или сабја.
Постои и верување дека времето овој ден укажува на тоа каква ќе биде пролетта.
